Монгол хэл ба Карина

Сайн байна уу? Сонин сайхан юу байна?
Eg har fått meg mongolske lærebøker, og her er ein liten smak på det eg held på med når eg ikkje er på jobb:

Нэг хоёр гурав дөрөв, Тав зургаа долоо найм ёс, арав.

Og det får verta ei lita nøtt for lesarane... Kva betyr dette?

Elles er det vel ikkje så mykje å fortelja her i garden.. Eg har lite å skriva om. Når det gjeld ambulanseoppdraga med Rødne, så har eg taushetsplikt, og på vanlege ruter er det ikkje mykje spanande som hender eigentleg.. Men eg tek med glede imot tips til kva eg kan skriva om. Til dømes kvalen me såg her om dagen. Eller bordingsturen me hadde ute på Jærhavet i kuling og bølger på opptil 1/4 av lengda til båten.. Men sidan eg ikkje har bileter av hendingane, så lét eg det vera med det.

Men Carina II 1.6 DX har runda enno eitt tusen km. på norske vegar, noko som ikkje er nokon spøk for ein 22-åring..!
All honnør til henne. 231.000 km. er eit godt stykke. Nokre samanlikningar for å gje deg inntrykk av kor god Carina'en faktisk og eigentleg er! 231.000 km. tilsvarer:
- 5,6 gonger rundt ekvator
- 23100 gonger strekninga Jørpeland - Tau
- 4620 gonger strekninga Solbakk - Hjelmeland
- 92 gonger strekninga Lindesnes - Nordkapp
- 114 gonger strekninga Solbakk - Tromsø
- 16500 gonger gjennom Solbakktunnelen
- 11846 gonger gjennom Ryfast (inkl. Hundvågtunnelen)
- 12833 gonger over Storebæltsambandet
- 9429 gonger gjennom Lærdalstunnelen
- 36447 gonger gjennom Sørdalstunnelen, lengste tunnelen i Lofast
- 31,5 gonger i luftlinje strekninga Stavanger - Beijing
- 0,6 gonger strekninga Jorda - Månen
- 77.000.000.000 gonger rundt eit sandkorn...

Så får oppgåva for dagen (for dei som ikkje klarte Монгол-oppgåva) vera: Korleis skriv me dette talet med bokstavar? Altså; 77.000.000.000.

Dette var alt for meg i denne omgang, men om nokon svarar rett på ei eller begge oppgåvene, vert vedkomande lønna med ei høveleg merksemd. Som vanleg oppmålt etter politiske- og religiøse standpunkt, samt bustadadresse.

За, за... Баяртай!

Sommarnytt frå Solbakk og omegn..

Solbakkisen har hatt seg ein liten sommarferi, men no er det på an igjen! Eg er komen godt i gong på jobb, og nyt han til det fulle =) Me fresar rundt i Ryfylkebassenget med heimesjukepleien, dyrlegen, inseminøren, losen og andre som treng skyss mellom båtar, holmar og skjer. Den siste veka har det vorte tid til mykje solslikking, og me plar seia me har verdsens beste jobb; Me får vera på sjøen stort sett heile dagen, me får fri bunkers, og attpåtil, så får me betalt for det ;) =D Alle tiders =)

Av andre ting tidligare, har eg hatt meg to austlandsturar. Ein på teltmøter i Tinn Austbygd, og ein på bibelcamp på Solåsen Ungdomssenter. Ingen av desse turane baud på skuffelsar, og talarane var stort sett ikkje av verste sort. På teltmøtene fekk eg vera med Erik Nordbø, Dagfinn Natland og Torvald Kjetilstad. Eg og Torvald fekk god gang på musikken i teltet, eg på piano og han på dragspel. Det var faktisk svært så kjekt, og me fekk nokre utruleg gode møter ilag. Og folk kom det óg på møtene! Så eg vonar dette ikkje var siste gong eg fekk vera med på teltmøter i Tinn!

Siste turen, til Solåsen, var mogleg pga turnusen hjå Rødne- ei veke på, ei veke av. Så det var konge. Fantastisk vér stort sett heile turen. Der var det Paven vår, sjølvaste Ola Tullemann, som preikte på kveldsmøtene. Med meg på turen, fekk eg Rannveig og Karl, og Maria. Det var alle tiders =) Eg kjenner på det at eg nok er ganske glad i syster mi ;) (bare så du vett d, Ra9). Me fekk oss ein harrytur til Strömstad i Sverige. Godt gjort at Svenskeferja er billigare enn Tauferja..! Men det var no turen som var målet i seg sjølv. Strömstad kan nok ikkje ha på seg å vera finaste byen i Skandinavia. Så me kjøpte oss ein kortstokk, sette oss på ein kafé, og spelte kort mens me åt vaflor med mjuk-glass och jordgubbsylt ;)

No er eg på jobb igjen, og det har eg vore snart ei veke. I morgon skal eg til med å lera opp ein ny ein som skal ta over for meg, så eg kan gå av og få meg ei friveke. Så eg vonar han er kjapplærd, så han kan sjekkast ut onsdag føremiddag..! Eg har trua på han!

Men sånn ellers, så må alle koma på Song- og Musikkhelg på Reiårsfossen Camp, Bygland i Setesdalen 1. - 3. August. Då stiller Fjordingane opp, og syng for full hals, streng og spel..!

God Sommar, Bonne êtê (for spesielt utvalde). =)

Siste pust frå Tromsø

Jæja, vel, vel.. Dette er vel siste innlegg frå Tromsø. Me er no komne heim frå Lofotenturnéen, som har vore ei utruleg flott naturoppleving! Skal ikkje seia så mykje meir, kan henda eg kjem tilbake med eit innlegg om/frå avslutninga her på Fjellheim, med litt bilete o.l. Men no legg eg berre inn nokre bilete..!












































Ha det godt, Nord Noreg! Kjem til å sakna deg. Kanskje ikkje kulden, men ellers. Eg har vorte glad i Nord-Noreg, og eg reiser nok ikkje frå Tromsø for siste gong...!
Men no ventar matrosjobben hjå Rødne om eitpar veker. Eg er beinklar.. Men takk til alle eg har vorte kjend med i løpet av året på Fjellheim. Har utan tvil vore det mest betydningsfulle året til nå i livet mitt.. Det har ikkje berre med skulen å gjera, men mykje med lærarane, forsamlinga og ikkje minst- medelevane mine..!

Måtte Gud fortsatt la signinga liggja over Fjellheim.!

Midnattssol

Fekkje sova, så eg gjekk ut på taket tok eit bilete av sola over nord-Tromsøya og Tromsdalen. Biletet teke 22.05.08, kl 02:42.

Tromfortsattnavlasnø

Det er (var) 13. mai. Kur vaknar opp og ser skinande ljos inn gjennom gardin- og persiennesprekkene. Yes, Sol! Vekk med gardiner, vekk med persienner! ... Nei, det var visst noko anna som gjorde det så ljost ute.. Men slik er no det. Dette var forresten visstnok ei rekordnatt i Tromsø, med størst snøfall på eit døger i mai. Men det kan jo vera litt fint óg, er berre litt uvant med slike snømengder på denne årstida. Gjekk meg ein tur rundt prestvatnet oppe på Tromsøya om kvelden, same dato..:

Men ei anna spurning er: Kor normalt er det med snø på 17. mai? Den spesielle hendinga opplevde eg her om dagen, var vel den 17. mai trur eg. 17. Mai plar vel på underfullt vis å landa på den dagen kvart år... Men iallefall. Men 17.mai var flott. Kanskje ein av dei kjekkaste 17. mai'ane eg har opplevd =). Fjellheim Bibelskule hadde eigen "post" i toget, og me gjorde folk merksame på oss, for å seia det slik. Ingunn kom i avisa, og greier.

Berre ein liten ting til: Snøen er vekke :D Og snaaaart spring bjørka ut... ;)